囍 - 喜帖附帶~火漆印、回禮利是封、寫帖

N年前朋友送過一set火漆印給Chslsea，只係有機會用一兩次(例如送咭比阿敬)，派帖這個可以蓋到手軟的時機當然不可錯過。

淘寶做火漆印真係平到嘔，木柄印連設計+匙+小樽蠟粒只係38人仔！

不過淘寶的蠟都係麻麻地，會有泡，朋友送那set的蠟條質素就好(價錢差好多)

我們試了蠟粒(八角)、蠟條同心形蠟粒，蠟條的效果效好，但蠟粒較方便

放2~3粒蠟粒在匙內，加熱至溶

如果太稀(憑經驗判斷)，就等蠟涼一點，杰身一點才一口氣倒下

對好位就蓋印，放置15秒左右才把銅印拿走。
下面左手邊是我們蓋得最好的…

金色火漆

金、銀、酒紅色

回禮利是封我們揀了無字的迷你利是封，正面同底面一樣只有暗花
很久之前無意中在淘寶看見特別字型的囍字貼紙，襯在無字利是封上簡直完美！
(可惜賣囍字貼紙間淘寶舖無咗！！)

很多人會印賓客名稱在喜帖信封，直接打印的就好，不明白為何有新人要印在透明label再貼上信封，其實很難看

而Chelsea早想好找萬能的爸爸出馬，而且指明要金色毛筆字~

爸爸最初一聽，還說女兒麻煩，吹毛求疵；第二天回家，他竟然買了一小罐菊花牌金色油漆回家(下圖左邊)，很認真替女兒吹毛求疵

毛筆都試了幾支，發覺日本做的硬毛筆最好寫(在大型文具店買，屬美術用品)

Chelsea當然落足嘴頭氹到佢暈啦~

收炸彈的說手寫毛筆字好有人氣，以下兩張寫錯名的
(親戚的較跟足傳統，朋友同事的簡單寫個名就算)

有趣的分享
下圖兩張謝卡是台中影婚紗相時送的，大的是明信片size，我們都不想自己出現在垃圾桶，考慮了好久：放唔放入帖度？

某日Chelsea的朋友很嘴賤的說，去年參加女同事婚宴，入到場以為自己去錯地方，強調完全認不出新娘子！
於是Chelsea找到個理由入帖了：等你認得我嘛~

在公司派帖後，有位外籍同事拿著大咭來找Chelsea，問了係乜來呀邊度影之類，然後請Chelsea在咭上簽名兼寫啲嘢，說很特別，要留為記念
完全無諗過自己會做幾秒明星，真係好搞笑~

女方set帖好豐富呢~雖然花了很多心機和時間，主要都係為自我滿足，但聽到朋友讚帖靚，真係好開心~~